Është shkarkuar nga detyra Artan Laze, gjykatës në Gjykatën e Tiranës. Ky ka qenë vendimi që ka dhënë sot Komisioni i Pavarur i Kualifikimit.
Mësohet se Lazaj nuk ka burime të mjaftueshme financiare për të arsyetuar pasurinë e tij dhe ka bërë deklaratë të rremë.
Trupa gjykuese përbëhej nga kryesuesja Brunilda Bekteshi, Lulzim Hamitaj relator dhe Olsi Komici anëtar.
Gjyqtari Artan Laze kërkoi përjashtimin e trupës gjykuese me pretendimin se ishin treguar të njëanshëm. Sipas tij, trupa e KPK e ka hetuar atë vetëm për pasurinë dhe jo për aftësitë profesionale dhe morale.
“KPK ka kryer shkelje që nuk përjashton nga seanca Brunilda Bekteshin. Nëse do ishte gjyqtare normale duhet të merrnit një masë të rëndë disiplinore nga KLD. ILDKPI ka pasur detyrë të më kontrollonte. Pse nuk më ka kontrolluar kaq vite. I
LDKPI ka bërë shpërdorim detyre përfshirë kryeinspektorin. Ju më keni vendosur në një betejë, më ftoni të luftoj e më keni dhënë një shpatë. Ju keni edhe shpatën edhe mburojën. Raportet e ILDKPI kanë kontradikta, njëherë thotë që nuk kam kryer fshehje pasurie dhe njëherë, që kam deklarim te rremë. Deklarim të rremë ka bërë ILDKPKI po jo unë. Kurrë nuk kam bërë fshehje pasurie e deklarim te rreme.
Mësuesja e letërsisë më thoshte shpesh ‘ke shkrim të keq por mendime të mira’. Në 2017 kam deklaruar me besnikëri gjithçka. A kam kursyer unë çdo muaj 40 euro në 10 vite. Po a bëjnë këto 6 milionë lekë për 10 vite?
Ka gënjyer banka, sepse në mandat është bosh. Si ka mundësi ta kem bërë unë? Nga harresa e neglizhenca nuk kam deklaruar shkollimin e vajzës. Makinën që thoni e kam shitur me shtrenjtë sesa e bleva, po të doni ua sjell makinën dhe blerësin. Ajo ishte super makinë e me goma të blinduara. Një pasuri kam, vetëm tokën, ajo është shkëmbore. “, u shpreh vetë Laze javën që shkoi.
(E.K/FAXWEB.AL)
Discussion about this post