Gjykata e Apelit i ka dhënë pafajësinë ish-drejtorit të Burgjeve Artur Zoto.
Artur Zoto u arrestua në shkurtin e vitit 2017-të për skandalin e tenderit me ushqimet e të burgosurve, aferë korruptive për të cilën ka përfunduar në burg edhe ish-zëvendësdrejtori i Përgjithshëm i Burgjeve, Iliaz Labi.
Vendimi është dhënë në një seancë që zgjati vetëm pak minuta, ndërsa të pranishëm kanë qenë dhe familjarë të Zotos.
Sipas avokatit të Zotos ky ishte një vendim i pritshëm, pasi i gjithë procesi gjyqësor ishte bazuar mbi dëshminë e vartësit të ish-drejtuesit të burgjeve Iljaz Labi.
Me shumë gjasa Zoto do të lirohet nga burgu i Vaqarrit pas disa orësh, dhe mbetet për t’u parë nëse ai do të kërkojë dëmshpërblim për periudhën që ka mbetur pas hekurave.
Kujtojmë se vetë Gjykata e Krimeve të Rënda kishte dhënë 5 vite burg për Zoton, vendim ky që rrëzohet tashmë në apel.
(E.K/FAXWEB.AL)
