E fundit/ Terror në Shkodër, një i vrarë dhe një i plagosur në mes të tregut. Çfarë thonë dëshmitarët (Emrat)

Një tjetër ngjarje e rëndë raportohet të ketë ndodhur në lagjen Rus në Shkodër, ku një person ka mbetur i vrarë dhe një tjetër i plagosur.

Është qëlluar tetë herë në drejtim të personave që ishin objektiv i atentatit. Viktima mësohet se është Fatos Ferracaku, ndërsa ka dyshime se është i afërm i Arjan Ferracakut, biznesmenit që mbeti i vrarë në muajin shtator. Ndërkohë që i plagosur ka mbetur Fatmir Mehaj.

Sipas dëshmitarëve, personat që kanë qëlluar kanë qenë dy, në një motoçikletë.

Fax News ka siguruar dhe pamje nga vendi i ngjarjes ku shihet qartë që një pellg gjaku ka mbetur në vendin ku ndodhi vrasja.

Nga ana tjetër në zonën e Livadhes në Shkodër është duke u djegur një mjet, i cili dyshohet se është përdorur nga ana e autorëve të këtij atentati.

Jo më larg se dje në qytetin e Shkodrës ka qenë i preanishëm ministri i brendshëm i komanduar Sandër Lleshi, i cili bëri thirrje që të luftohej kriminaliteti, po mesa duket Shkodra është tashmë në një luftë vtë hapur mes bandave.

(E.K/FAXWEB.AL)