E fundit/ U gjobit me 5 milionë lekë, 42 vjeçari i hipën shtyllës së tensionit, kërcënon se do hidhet

Një 42 vjeçar nga Kuçova ka kërcënuar se do të hidhet nga shtylla e tensionit të lartë.

Shtetasi i identifikuar si Andon Ziu, është gjobitur nga Bashkia e qytetit me vlerën e 5 milionë lekëve për një ndërtim pa leje, që mendohet edhe si arsyeja pse ai ka ndërrmarrë një akt të tillë.

Mësohet se 42 vjeçari ndodhet prej një orë  në shtyllën e tensionit dhe pretendon se është gjobitur padrejtësisht nga bashkia.
Njoftimi i policisë:

Në vijim të informacionit të dhënë pak më herët në lidhje me shtetasin A.Z, i cili kishte hipur mbi një shtyllë elektrike dhe kërcënonte se do të hidhej, ju bëjmë me dije se:

Shërbimet e Policisë në prani dhe të një psikologu, pas dy orësh negociata bënë të mundur që shtetasi i lartëpërmendur rreth orës 12:40 të zbriste nga shtylla elektrike pa pasur probleme për jetën.