Policia në Dibër ka bërë të mundur arrestimin e autorit të dyshuar të vrasjes së Elsi Kosiqit në Dibër, 32-vjeçarit që u ekzekutua në oborrin e shtëpisë së tij në mesnatë.
Për këtë vrasje policia ka arrestuar Mahmut Gega, banues në njësinë administrative Shupenzë. Policia dyshon se vrasja ka ndodhur për motive të dobëta.
Njoftimi i policisë:
Maqellarë- Dibër
Arrestohet autori i dyshuar i vrasjes së ndodhur gjatë orëve të mëngjesit të datës 20.03.2018, në Maqellarë, ku u vra me armë zjarri shtetasi E.K.
Në vijim të informacionit paraprak, ku është vrarë me armë zjarri, në oborrin e banesës së tij në Maqëllarë shtetasi E.K, rreth 32 vjeç, pas një pune intensive nga Strukturat e Drejtorisë Vendore të Policisë Dibër, në bashkëpunim me Prokurorinë e Rrethit Gjyqësor Dibër, u bë arrestimi në flagrancë i autorit të dyshuar të vrasjes, shtetasi :
M.G, banues në njësinë administrative Shupenzë.
Paraprakisht dyshohet se shkaku është për konflikte për motive të dobëta.
Për shkak të hetimeve nuk bëjmë me dije të dhëna të tjera dhe rrethana të ngjarjes.
