18-vjecari Luan Zejneli nga Kosova bashkë më familjen e tij ka emigruar drejt Gjermanisë për një jetë më të mirë. Jeta për të nuk ka qenë e thjeshtë, pasi është detyruar të marr rrugën e emigracionit së bashku me dy prindërit e tij të sëmurë.
Por edhe në këtë shtet ai ka hasur vështirësi. Në muajin janar autoritet gjermane ashtu si shumë familjeve tjera refugjate, që kanë kërkuar lejë qëndrimi në Gjermani nuk ja kanë dhënë këtë të drejtë.
Familjes Zejneli nga autoritet gjermane i është dhënë një urdhër dëbimi, i cili do zbatohej këtë 23 shkurt.
Por, siç përcjellin mediat gjermane një shok i klasës së gjimnazit ku Luani mëson, ka ndërmarrë një nismë peticioni për të ndaluar dëbimin e Luanit dhe familjes së tij nga Gjermania.
Sipas tekstit të peticionit, Luani ishte integruar shumë mirë në klasë dhe kolektivin shoqëror, prindërit i ka të sëmurë dhe kthimi i tyre në Kosovë do ishte një vendim shumë i gabuar dhe ndoshta “vrasës”.
Ky peticion u nënshkrua nga 5.000 veta dhe rasti i familjes Zejneli u bë i njohur në gjithë Gjermaninë nga transmetimi në media.
Kështu, solidarizimi i madh i qytetarëve dhe nxënësve duket që i ka dhënë frytet e veta, pasi autoriteti për të huaj i ka dhënë Luanit bashkë me prindërit një status tolerimi, “Duldung”, për qëndrimin në shtetin Gjerman. (J.V/Shuplaka)
Discussion about this post