E grabitën në Greqi, reagon për herë të parë Alban Ramosaj: Rroftë gjaku shqiptar

Këngëtari Alban Ramosaj dhe e motra Beatrix udhëtuan në fundjavë në Greqi për të kaluar festën e Pashkëve.

Megjithatë, siç treguan dhe ata udhëtimi i tyre nuk shkoi aspak mirë, pasi disa persona kishin thyer xhamin e makinës dhe kishin marrë pasaportat e tyre dhe gjithë sendet me vlerë.

“Ok, para se të gjykoni që si mund të hedh një gjë të tillë në Instagram, është hera e parë që ndodh diçka e tillë. Na vodhën pasaportat e disa dokumenta të tjera. Nuk kemi njeri në këtë qytet dhe policia ka mbi një orë e gjysmë që “është rrugës”. Thua të jetë ngaqë jemi shqiptarë? Thua ta keni bërë se kanë parë targat shqiptare? Apo e bëjnë shpesh këtë gjë këtu? Ç’mikpritje!” , kishte shkruar Albani në një postim.

Së fundmi, këngëtari ka folur për ngjarjen shokuese në një prononcim për ‘Blitz.al’ ku ka zbuluar se çfarë ndodhi dhe kush u erdhi në ndihmë.

“Duke qenë se u gjendëm në Selanik në periudhë festive dhe pushimi, autoritetet përkatëse duket se mundoheshin të rrinin në shpirtin e festës. Ky ishte dhe shkaku i neglizhencës dhe reagimit të ngadaltë ndaj telefonatave dhe vizitave në rajone policore të ndryshme.

Nuk u vëmë faj, të gjithëve na pëlqejnë ditët e pushimit. Falë zotit nuk ishte aksident rasti ynë se kushedi si do përfundonte situata.Rroftë Gjaku Shqiptar! Gëzuar Pashkët dhe kini kujdes në aventurat tuaja.”, ka përfunduar ai.