Gazetarja e njohur Anduena Llabani, në një fushë shumë të vështirë, në kronikën e zezë, nuk është vetëm profesioniste e suksesshme.
Ajo është edhe nënë e lumtur e një djali 5-vjeçar, i quajtur Aleksei. Me përkujdesjen e një nëne, ”Mami Ena”, siç e thërret i biri, i ka bërë një dedikim, duke futur në të edhe disa porosi të rëndësishme.
”Vetëm pak minuta më ndajnë nga dita jote e lindjes…12/06/2012, dhe Unë dua të ta uroj si çdo vit…
Aleksei, shpirti im …mami të uron që çdo dëshirë e Jotja në jetë të realizohet, uroj që çdo hap që do hedhësh të ketë forcë, vendosmëri, e mbi gjithçka ndjesi të vërteta, qëllime të mira, të edukuara, mbi të gjitha të sinqerta…
Në këtë “aventurë” të gjatë që quhet Jetë ..do hasësh shumë pengesa, djali im….do shohësh shumë fytyra që do të të qeshin , e ndaj unë uroj që Ti biri im, t’i njohësh , e nëse dikush prej tyre një ditë do të të lëndojë, sepse kjo me siguri do të të ndodhë, Ti të gjesh forcë për t’i dhënë një përqafim të bukur edhe pse të kanë zhgënjyer..
Unë të uroj djali im të kesh një shpirt të lirë, e ta ndërtosh çdo ditë atë bukur brenda qenies tënde. Djali im të uroj që ti të bësh gjithçka do në këtë jetë, pa ja patur nevojën e dhënë llogari askujt, dhe mos harro kurrë, të luftosh që çdo gjë e mirë në jetë, të të përkasë.
E jotja deri sa të kem frymë Mami Ena.”, i shkruan gazetarja. (V.G/SHUPLAKA)
