Futbolli është plot me histori të skuadrave që kanë shkatërruar sezone ëndrrash. Gjithsesi, për momentin Liverpool nuk jep as përshtypjen më të vogël se ka ndër mend të bëjë atë gjë. përkundrazi, skuadra e Jurgen Klopp është lëshuar drejt titullit kampion, aq sa për të prishur planet e kompanive të basteve.
Këto të fundit janë detyruar të paguajnë bastet e të gjithë lojtarëve të skedinave, që besuan se Liverpool do të fitonte garën me Manchester City e rivalë të tjerë, për tu shpallur kampion këtë sezon në Premier League.
Sikurse raporton “Sportbible” një agjencie e famshme bastes ka për qëllim të shlyejë të gjithë ata bastexhinj që kanë vënë paratë e tyre për fitoren e Liverpool, kur suksesi i “Të Kuqve” nuk ishte kaq i sigurtë sa tani.
Një vendim që mund të ndëshkojë ndonjë kompani bastesh, sikurse ndodhi në rastin kur u vendos të paguheshin para kohe bastet e vëna në favor të fitores së zgjedhjeve presidenciale të Amerikës nga Hillary Clinton…
“Liverpool e nisi sezonin si favoriti i dytë për fitimin e titullit kampion të këtij sezoni në Premier League, por u shfaq i pandalshëm që në ndeshjen e parë. Është e vështirë të imagjinosh se mund të humbasin shumë pikë këtë vit”.
“E dimë që ekziston një përqindje rreziku, por ky Liverpool po luan mirë dhe fiton ndeshjet në mënyrën e kampionëve. Besojmë se e ka që tani një dorë mbi trofe, ndaj ata që kanë vënë bast mbi skuadrën e Liverpool te kompania Betway mund të tërheqin fitimet”, deklaroi Alan Alger i agjencisë së basteve.
Discussion about this post