Gazetari Trashgim Sokolaj ka zbardhur të tjera detaje në lidhje me grabitjen e 10 milion eurove në Rinas,të ndodhur dy ditë më parë.
Sokolaj tha se autorët kanë përdorur djegien enjë makine në Bathore për të shpërqëndruar policinë ndërkohë që dy makinat e tjera janë larguar me paratë.
Gazetari deklaroi në emisionin “360 Gradë” se janë 5 persona që kanë marrë pjesë në grabitje, duke argumentuar se pamjet janë mbledhur deri në Fushkrujë.
“Policia kur ka filluar ndjekjen, këta kanë pasur edhe një skenar rezervë. Këta kanë qenë të organizuar deri në detaje. Skenari i dytë i tyre ka qenë në makinën që është gjetur e djegur në bathore e cila është përdorur për të shpërqendruar vëmendjen e policisë. Dy automjetet e tjera janë larguar, me paratë. Është mësuar se personat që janë në arrati natën e kanë kaluar në një tynel të ushtrisë në fashtin Dritas. Ku policia mbërriti vetëm të nesërmen.
Në Rinas janë thyer dy dyer, një kur hynë dhe një kur dolën. E kanë hapur në mënyrë të thjeshtë. Pasi është hapur dera, para saj ka pasur një beton, që Murataj e ka lidhur me zinxhir dhe e ka tërhequr me fugon. Është rikthyer në fugon dhe ku të paktën kanë qenë 5 persona. Janë 5 persona sepse pamjet janë mbledhur deri në Fushkrujë. I kanë shtrirë përtokë të paktën 6 punonjës.
Kanë dalë nga dera fundore e aeroportit. Aty kanë përdorur një rrugë dytësore. Në këtë kohë, ka ndodh vrasja e Muratajt.
Sipas të dhënave ka qenë makina e dytë e autorëve që prisnin. Policia ishte vënë në ndjekje të makinës ku ishte Murataj. Policia ka pasur kontakt pamor”.
(F.GJ/FAXWEB.AL)
