Detaje të reja janë zbardhur lidhur me Elton Ismailin, pronarin e automjetit që shpërtheu pak para mesnate në lagjen “15 Tetori” të qytetit të Vlorës. Ai u shpreh sot se nuk kishte dijeni për autorin e shpërthimit, teksa deklaroi se edhe atentatet ndaj të vëllait, motrës, dajës dhe ortakut të tij, kanë mbetur pa autorë.
Por flitet për një të kaluar të errët të 42-vjeçarit, duke iu referuar burime për “Balkanëeb”. Në 2007-ën, ai dyshohej për vrasjen e të motrës së tij, e cila në atë periudhë ishte gjashtëmuajshe shtatzënë. Për këtë krim në zonën bregdetare të Jonufrit u shoqërua si i dyshuar vëllai i saj, Elton Ismaili.
Por në dëshminë e tij të dhënë në polici, ai deklaroi se ndodhej në Itali me pushime dhe nuk kishte lidhje me ngjarjen. Dyshimet ndaj tij u zbehën dhe nën hetim u vu një inspektor krimesh që mendohej edhe se ishte babai i fëmijës.
Gjithashtu, Elton Ismaili rezulton të jetë një ndër të arrestuarit për pengmarrjen e nipit të biznesmenit Sulo Shehut në vitin 2003 dhe ka vuajtur dënimin në burgun e Rrogozhinës.
(XH.A/SHUPLAKA)
