Në fshatin Gjashtë të Sarandës mbrëmjen e djeshme një djalë i mitur, 12 vjeç, ka qëlluar me thikë një 15-vjeçar pas një sherri. Mësohet se ata ishin duke luajtur futboll para se të ndodhte sherri dhe shkaku ka qenë se kush e kishte rradhën për të gjuajtur.
Sipas policisë sherri ka ndodhur rreth orës 22:00, kur F.O., 15 vjeç u dërgua me urgjencë në spital. I mituri kishte marrë plagë me thikë në bark, por ndodhej jashtë rrezikut për jetën, ndërkohë që më vonë iu nënshtrua një ndërhyrjeje kirurgjikale.
Hetimet e policisë zbuluan se F.O., ishte konfliktuar për motive të dobëta me bashkëfshatarin e tij me inicialet O.H, vetëm 12 vjeç, ndërkohë që ky i fundit e kishte goditur me thikë. Policia shoqëroi në komisariat autorin e dyshuar, por për shkak të moshës e la atë të lirë duke e ndjekur penalisht për veprën penale “Plagosje e lehtë me dashje”. (J.V/Shuplaka)
