Kryetarja e Dhomës së Ndërmjetësimit të Shqipërisë, Drita Avdyli deklaroi se muxhahedinët që janë strehuar në Shqipëri janë njerëz të urtë dhe të shkolluar.
Duke komentuar vrasjen e gjeneralit iranian Qasem Soleimani në studion e emisionit “Aktualitet”, Avdyli deklaroi se Shqipërisë nuk i kanoset asnjë rrezik. Sipas saj, muxhahedinët në vend nuk kanë shkelur asnjë ligj, ndaj edhe vendi është i sigurt.
“Ne jemi pjesë e NATO, jemi një vend i lirë, ata janë shumë të sigurt. Vrasja e gjeneralit do të sillte tensione, sigurisht. Ai kishte vrarë 1500 fëmijë. Ai është gjakatar. Në një situatë të tillë ai e kishte hak vdekjen. Në Manzë ata e kanë kthyer si një baçe me lule.
Janë të urtë, janë të mirëshkolluar, janë me mastera. Po të ishin persona të këqinj, ata në 6 vite do të kishin sjellë edhe probleme në Shqipëri. Pothuajse të gjithë flasin shqip. Ata nuk kanë shkelur ligj, le të vazhdojnë veprimtarinë e tyre, mjaftojnë të mos shkelin ligjet e Republikës së Shqipërisë. Dy nga iranianët që shkelën ligjin u dëbuan.
Çdo njeri, nëse nuk e kryen detyrën e ambvasadorit dhe del jashtë, atëherë meriton të dëbohesh. Ata ambasadorë, apo konsuj që nuk kryejnë detyrën sipas trupit diplomatik, largohen nga Shqipëria”, tha Drita Avdyli.
