Ditën e djeshme u përhap me shpejtësi lajmi i ndalimit të djemve të Azem Hajdarit. Sipas Policisë ata ishin shoqëruar në datën 2 në Pikën e Kalimit Kufitar të Murriqanit, për shkak se kishin dhunuar një person. Po pse ka ndodhur e gjitha kjo?!
Sipas “Panorama”, më 24 dhjetor djali i vogël i Azemit kishte shkuar te varri i të atit një ritual që sipas tij e bënte shpesh. Sapo është afruar pranë varrit ka parë që aty ishin dy persona të tjerë. Fillimisht ka menduar se ishin të afërm të tij, por kur është afruar pranë nuk i ka njohur.
Sipas tij dy të rinjtë njëri prej të cilëve Mikel Margjeka po tymosnin hashash te varri i babait të tij.
Për Azemin 19 vjeç ky ishte një akt shumë i shëmtuar për varrin e të atit dhe pasi ka debatuar disa minuta me fjalë është betuar që nuk do përfundonte me kaq.
Ndërsa 3 dite pas këtij konflikti ndodhi edhe ngjarja tjetër në lokalin e Saukut, për të cilin 2 vëllezërit Hajdari u shpallën në kërkim. Nga Policia ata akuzoheshin për ‘’plagosje të lehtë me dashje”.
“Më datë 02.01.2018, në PKK Muriqan, u kapën vëllezërit shtetasit A.H, vjeç 19 dhe K.H vjeç 32 banues në Tiranë, të shpallur në kërkim për veprën penale “Plagosja e lehtë me dashje”, neni 89 i Kodit Penal. Pas konsultimit me Prokurorin dhe kryerjes së veprimeve proceduariale u lanë në gjendje të lirë” thuhej në njoftimin e policisë.
(E.K/FAXWEB)
