E katërta thirrje në dy orë, pse kryeministri Rama po kërkon me ngulm të votohet

Kryeministri Rama dhe njëherazi kreu i Partisë Socialiste, Edi Rama, vazhdon të ngulmojë që qytetarët shqiptarë të dalin dhe të votojnë.

Pas dy thirrjeve të drejtuar shqiptarëve rreth orës 15:00 të ditës së sotme, përfshirë këtu edhe emigrantët, ku ai nuk la pa thumbuar ish-kreun e LSI-së, Ilir Meta, kryeministri ka përsëritur thirrjet e tij duke u ndalur në gjithë qarkun e Vlorës dhe atë të Dibrës.

Ai u drejtohet vlonjatëve, lebërve, myzeqarëve, himariotëve, çamëve, minoritarëve dhe gjithë zgjedhësve të qarkut Vlorë, për të vazhduar me dibranët, matjanët, bulqiziakët, të gjithë shqiptarët e qarkut Dibër.

Kryeministri, kandidat i PS-së për deputet në Vlorë, e ka marrë mbarë këtë qark duke u bërë thirrje qytetarëve. Plot katër thirrje në dy orë. Numri i vogël i pjesëmarrjes së shqiptarëve në qendrat e votimit nuk i ka shpëtuar as kryeministrit. Mundet që ky numër të ndryshojë duke marrë në konsideratë që sot ka qenë edhe kremtimi i Fiter Bajramit.

“Vlonjatë Votoni, Lebër Votoni, Myzeqarë Votoni, Himariotë Votoni, ÇamëVotoni, Minoritarë Votoni, gjithë zgjedhësit e qarkutVLORE, dilni VOTONI.

Dibranë Votoni, Matjanë Votoni, Bulqizakë Votoni, gjithë zgjedhësit e qarkut DIBER dilni VOTONI.”, shkruan Rama në rrjetet sociale.

(XH.A/SHUPLAKA)