“Ëngjëlli im” ishte kënga e parë që Xhensila Mytezaj i dedikoi Bes Kallakut. Por nuk ka qenë e fundit. Gjatë dasmës së mbrëndshme këngëtarja i ka dedikuar edhe një këngë tjetër ku i shpreh dashurinë e saj të madhe.
“E ke çelësin e zemrës… dhe çfarë do ti nga unë do e kesh gjithmonë” është vetëm një varg nga kënga që Xhensila i ka dedikuar bashkëshortit të saj.
Sapo në ekran filloi të shfaqej videoklipi i realizuar enkas pak ditë më parë në Itali, kolonë zanore ishte kënga më e re e Xhensilës, “E ke çelësin e zemrës” si dhuratë martese. Nusja mori mikrofonin në dorë dhe u shoqërua nga pamjet e mrekullueshme të liqenit të Como-s në Itali dhe nga duartrokitjet e të ftuarve. Momente shumë të bukura ku edhe vetë Bes Kallaku u emocionua shumë. (J.V/Shuplaka)
