Analisti Enton Abilekaj ka reaguar për ngjarjen e rëndë të mbrëmjes së kaluar pas mesnate, kur disa persona rrahën brutalisht gazetares kosovare Arbana Xharra.
Sipas Abilekajt, kjo ngjarje na konfirmon edhe një herë se ne nuk mësohemi dot të dëgjojmë fjalën e dikujt që nuk na pëlqen, apo opinionet kundra.
Abilekaj shprehet se mes nesh ekziston një shumicë që vetë i fton delirantët të na sundojnë dhe vetë kërkon dikaturën dhe dhunën. Me këtë shumicë, Abilekaj nënkupton të gjithë ata që në njëfarë mënyre e kanë justifikuar rrahjen barbare që i është ushtruar gazetares.
Kujtojmë se ky sulm, vjen vetëm pak ditë pas futjes në PDK.
“Kemi mes nesh nje shumice qe fton delirantet ne pushtet te na sundojne, demagoget te na mashtrojne dhe kundershtaret e tyre te heshtin ose te ikin.
E kerkojme vet diktaturen dhe dhunen e pakices apo te shumices,sepse ka njerez qe nuk e kane fare problem ta perkrahin dhunen ndaj Arbana Xharres, duke e justifikuar me figuren qe perfaqeson ajo.”, shkruan Abilekaj.
REAGIMI I ABILEKAJT
“Rrahja e Arbana Xharres eshte nje lajm i mire per autokratet ne Kosove dhe Shqiperi. Ajo konfirmon se nuk mesohemi dot ta degjojme fjalen qe nuk na pelqen, opinionin qe na del kunder, idene dhe njeriun qe na sfidon me te. Kemi me shumice sherbetore autokratesh, militante mendjembyllur, kryqezues te pafè qe dhunojne ne emer te Fese.
Kemi mes nesh nje shumice qe fton delirantet ne pushtet te na sundojne, demagoget te na mashtrojne dhe kundershtaret e tyre te heshtin ose te ikin.
E kerkojme vet diktaturen dhe dhunen e pakices apo te shumices,sepse ka njerez qe nuk e kane fare problem ta perkrahin dhunen ndaj Arbana Xharres, duke e justifikuar me figuren qe perfaqeson ajo.
Keta ekzekutore pa gjyq qe na rrethojne ngado, jane dhunuesit e Arbanes dhe armiqte e demokracise ne trojet shqiptare.” (D.D/Shuplaka)
Discussion about this post