Pas divorcit me Bledi Shkëmbin, hapen skenarë të rinj për trajnerin e ri që do të drejtojë bardheblutë.
Në skenë ka dalë emri i Ditmar Bicajt, i cili ishte zbulimi i Kategorisë së Parë me Burrelin, duke zhvilluar një sezon impresionues.
Sezoni i Bicajt te Burreli, ka tërhequr vëmendjen jo vetëm në Shqipëri, por edhe jashtë saj. Burime të afërta konfirmojnë se trajneri ka pasur bisedime të avancuara me Federatën e Futbollit të Ruandës, për një angazhim të mundshëm në stafin e kombëtares afrikane.
Megjithatë, një ofertë nga Tirana do ta tundonte Bicajn për të nisur një projekt ambicioz me bardheblutë.
Presidenti Refik Halili e vlerëson trajnerin Bicaj për sezonin e tij mbresëlënës te Burreli.
Orët e ardhshme do të jenë vendimtare për Tiranën dhe trajnerin Bicaj.
