Ekipi hulumtues i profesorit të Neotectonikes dhe Paleosismologjise në Universitetin Aristotle të Selanikut, Spyros Pavlidis, pretendon të ketë parashikuar tërmetin me madhësi 6.4 në Shqipëri.
Siç tha zoti Pavlidis në TV Star, ekipi i tij hulumtues ka studiuar lëvizjet tektonike e Shqipërisë për më shumë se 25 vjet, duke marrë pjesë gjithashtu në përpunimin e hartës neo-tektonike të Shqipërisë.
Vlerësimi i tërmetit është bërë jo vetëm në bazë të të dhënave sizmologjike, por edhe të të dhënave gjeologjike. Ai thotë se ekipi i tij ka krijuar një bazë të dhënash që përmban të gjitha rreziqet per Greqinë, por dhe Shqipërinë.
Pas tërmetit të fundit rezulton se toka është ngritur 8/4 cm në një gjatësi 15 km në verilindje të Durrësit në Hamallaj. Studiuesit në Observatorin Kombëtar të Athinës, Vassilis Tsironis dhe Athanasios Ghana, përdorën të dhëna satelitore dhe paraqitën ngritjen e tokës në këtë zonë me 8.4 cm.
Sizmiologu grek nga ana tjetër është shprehur se nuk ka lidhje mes tërmetit të rënë në Shqipëri, dhe atij në Kretë, pasi i përkasin dy pllakave të ndryshme tektonike.
Mediat greke i kanë bërë jehonë po ashtu dhe ndihmës që kanë dhënë trupat e tyre në vendin tonë, ku mësohet se kanë shpëtuar të pakën 3 jetë njerëzish, gjatë operacioneve të kërkim shpëtimit.
Burimi: news247.gr
