E kishte kthyer shtëpinë ‘laborator’ kanabisi dhe për këtë është dënuar me 6 vite burg një shqiptar në Britani. Rreth 555 bimë u zbuluan në katër dhoma të pronës së tij në Derbi.
53 vjeçari Ramiz Nergjoni kishte shkuar në Britani në mënyrë të paligjshme duke u fshehur në anën e pasme të një kamioni.
Sipas policisë fitimet që mund të nxirrte shqiptari ishin rreth 300.000 paund
Por avokati mbrojtës David Watts ka thënë për shqiptarin se para se të shkonte në Britani, jetonte dhe punonte në Greqi dhe se ishte njeri me karakter të mirë.
“E ka nënën në Tiranë të sëmurë. Ka dhe tre vajza të vogla dhe është shumë i shqetësuar se si do t’ia dalë familja e tij teksa ai është në burg këtu”, tha ai. (J.V/Shuplaka)
