Pas emërimit të ministrave të rinj, të propozuar nga Lulzim Basha, në medie po bëhen raportimet e para për arritjet e tyre profesionale e akademike, por njëkohësisht për sulmet politike ndaj kryeministrit Edi Rama.
Ministri i ri i Punëve të Brendshme, i cilësuar teknik, Dritan Demiraj po krahasohet gjithnjë e më shumë me ish-ministrin e Drejtësisë, Ylli Manjanin.
Manjani i LSI, sulmoi ashpër, duke bërë disa deklarata shumë të forta kryeministrin Rama dhe qeverinë e tij, në kohën kur ishte në qeverisje, sulme që u shoqëruan me shkarkimin e tij.
Por i pyetur nga ”Shuplaka”, për këtë paralelizëm që po hiqet, Manjani reagon duke thënë se nuk janë njësoj.
Duke lënë mënjanë sigurisht, komentin për emra të përveçëm të ministrave dhe duke i komentuar në përgjithësi.
”Së pari ju uroj suksese teknikëve në qeverinë politike! Prezenca e tyre e bën qeverinë poli-teknike!
Së dyti nuk më duket ende normale të vëmë shenja krahasimi. Unë isha i mandatuar politik dhe kundërshtova politikën edhe teknikisht! Kurse ministrat e rinj janë teknikë të mandatuar për të ruajtur qeverinë teknikisht të mos ndërhyjë në zgjedhje.
I uroj punë të mbarë të gjithëve!”, reagon Manjani. (V.G/SHUPLAKA)
Discussion about this post