Fakti që Gerard Pique mbështeti referendumin e diskutueshëm për pavarësinë e Katalonjës nga spanja, ka nxitur shumë debate.
Në prag të votimit të ditës së sotme, mbrojtësi i kombëtares spanjole është shprehur me lot në sy se është i gatshëm të heqë dorë edhe nga kombëtarja nëse konsiderohet problematik.
“Nëse ndonjë drejtor apo Federata Spanjolle mendon se mund të jem problem për kombëtaren, atëherë jam gati të largohem. Dhuna e policëve? Jam krenar për popullin katalanas. Kjo ka qenë përvoja më e keqe që kam përjetuar ndonjëherë. ” , është shprehur Pique.
Këtë deklaratë Pique e bëri fill pas fitores 3-0 të katalanasve me Las Palmasin, ku ai u shfaq me një bluzë të Katalonjës veshur.
Kujtojmë se në këtë ndeshje, jo vetëm Pique por edhe Lionel Messi sëbashku me shokë të tjerë të skuadrës, u detyruan të luanin edhe pse tifozët e tyre u dhunuan nga policia spanjolle, për të mos i lënë të votonin.
Spanjës mund t’i hiqeshin 6 pikë në kampionat nëse këta futbollistë nuk do zbrisnin në fushë. Pavarësisht se kjo që po ndodh ka tronditur Spanjën e cila sipas politologëve mund të jetë ndoshta edhe para shpërthimit të një lufte civile, largimi i i futbollistëve të Barcelonës nga kombëtarja spanjolle mund të jetë një lajm i mirë për Christian Panucci-n dhe kombëtaren shqiptare.
(D.D/shuplaka)
Discussion about this post