E kryqëzojnë për spote pa rininë, çfarë publikon këtë mëngjes kryeministri Rama (VIDEO)

E kryqëzojnë për spote pa rininë, çfarë publikon këtë mëngjes kryeministri Rama (VIDEO).

Në ka një pikë të dobët të Ramës dhe PS-së në këto zgjedhje është marrëdhënia e tij me rininë. Jo pak herë është akuzuar për spote individualiste ku vendos veten e tij në qendër të çdo mesazhi.

E kur na ndajnë dhe më pak se dy javë nga zgjedhjet, kryeministri ka menduar që të bëjë një kthesë. Këtë mëngjes ai ka publikuar një video me të rinjtë e njësisë numër 3 në kryeyqtet. Në asnjë sekuencë të saj vetë ai nuk shihet të jetë i pranishëm.

Gjithsesi nuk mungon deputetja Olta Xhaçka që së bashku me të rinjtë bën numrin më të përfolur në PS të këtyre javëve, numrin 2.

“MIRËMËNGJES, dhe ju uroj një ditë të mbarë me këtë mesazh kaq të veçantë nga të rinjtë dhe komuniteti i Njësisë 3 në Tiranë.

Kemi bërë shumë. Më shumë akoma mbetet për të bërë. Po ka edhe shumë për të humbur, nëse #PartiaSocialiste nuk mban, pa të tjerë në prehër, timonin e reformave. Siç luftuam dhe fituam për Vetingun, do të luftojmë e fitojmë për të rritur ekonominë dhe punësimin si asnjëherë më parë. Për #ShqipërinëQëDuam#Shtet #Punë #Mirëqenie’’, shkruan vetë Rama. (E.K/SHUPLAKA)