Ditën e djeshme me shpejtësi u përhap lajmi se Arbana Xharra, ish-kryeredaktore e gazetës kosovare “Zëri”, tashmë zyrtarisht është pjesë e PDK-së. Lajmi për futjen e saj në këtë parti u bë në një konferencë për media të organizuar nga kryetari i kësaj partie, Kadri Veseli.
Në fjalën e tij, Veseli u shpreh se PDK është e hapur të mirëpresë të rinj dhe të reja, sidomos femra të suksesshme.
Ndërsa vetë Arbana Xharra u shpreh se i është bashkuar PDK-së për të kontribuar për vendin, duke siguruar se hyrja e saj në këtë parti nuk ka qenë e kushtëzuar.
Gjatë detyrës së saj si gazetare, ajo ka mbajtur qëndrime të ashpra ndaj PDK-së së cilës i është bashkuar së fundmi dhe ish-komandantëve të UÇK-së. Shpeshherë, ajo e ka cilësuar “parti kriminale”.
Ndrërkohë që në rrjetet sociale ka pasur reagime masive kundër veprimit të saj, shumë prej tyre e kanë kryqëzuar gazetaren.
Mirëpo ajo mesnatën e djeshme ka bërë një reagim të shkurtër në rrjetet sociale duke u shprehur se cc’kishte ndodhur?
‘’Çka ka najsen të re, se s’kesh knej’’, shkruan Xharra.
Kujtojmë edhe replikat e Xharrës me ish-kryeministrin shqiptar, Sali Berisha, që e ka cilësuar gazetaren “ndrikull sorosiane të Kosovës”, pasi ajo u shpreh se “Me gjithë kritikat që i kam për Edi Ramën, mendoj që Sali Berisha i ka bërë shumë më shumë dëme Shqipërisë”. (E.K/SHUPLAKA)
