Ish-kandidati i Lëvizjes Socialiste për Integrim, mjeku i njohur Petrit Vargu, ka reaguar lidhur me deklaratën e liderit të PD-së Lulzim Basha, ku u shpreh se nuk do jepte dorëheqjen, por do garonte sërish për postin e kryetarit, pavarësisht humbjes së këtyre zgjedhjeve.
Vargu komenton fjalët e Bashës, se ai kishte një plan për të rikthyer Partinë Demokratike në pushtet, duke thënë se kryedemokrati nuk është i besueshëm.
“Basha thote qe ka nje plan per te kthyer PD -ne ne pushtet.Jo more Luli, ti nuk ke nje plan, ke nje marreveshje te cilen Rama nuk do ta respektoje kurre.
E vetmja gje jashte marreveshjes ishin zgjedhjet ne Kavaje, ku i gjithe populli e pa si perfunduan.
Meqe ra fjala,si nuk te erdhi zor ndaj kerkeses se Rames per t’u shtyre nje ore zgjedhjet?Njerezit tuaj ne KQZ votuan pro kesaj kerkese qe u aprovua me rezultatin 6:1 . 8 perqind e socialisteve votuan nga ora 19-20.E kush mund te te besoje me ty?”, shkruan Vargu.
Kujtojmë se Basha vetëm mbrëmjen e kaluar doli në një deklaratë për mediat, ku pranoi humbjen e zgjedhjeve dhe deklaroi se nuk kishte pse jepte dorëheqjen nga lidershipi, vetëm se ia kërkojnë ata që s’kanë punuar për partinë. Edhe pse Basha i pranoi përgjegjësitë e veta, tha se faji është i përbashkët për humbjen e thellë të PD-së. (D.D/Shuplaka)
