Gjatë përballjes në Gjykatën e Krimeve të Rënda, biznesmeni Ylvi Beqja ka debatuar me Endrit Qyqjan, një nga anëtarët e bandës së Shullazit i cili akuzohet për vrasje.
Dëshmitari i mbrojtur Ylvi Beqja dhe Endrit Qyqja janë përballur me njëri-tjetrin përpara trupit gjykues, ku ky i fundit është shprehur mjaft i acaruar pse i pari nuk përgjigjej nëse e kishte dërguar familjen jashtë vendit pas arrestimit të Shullazit.
Sipas gazetës “Panorama” , ndryshe nga herët e tjera Beqja në seancë ka qëndruar i tërhequr dhe më shumë se gjysmës së pyetjeve iu përgjigj me “S’më kujtohet” dhe “nuk mbaj mend”.
DEBATI
“NUK ME KUJTOHET”
Avokati: Keni rënë dakord me Emiliano Shyllazin para, apo pas shitjes së një pjese të ish-hotel “Vollgës” te Fejzi Kodra?
Beqja: Nuk më kujtohet.
Avokati: Ka ekzistuar ndonjë prokurë e vitit 2009 të “Saudi Brother”?
Beqja: S’më kujtohet. Duhet të shoh letrat.
Avokati: Në këtë prokurë i jepen të drejta Romeo Tarës?
Beqja: Po.
Avokati: Është anuluar ndonjëherë kjo prokurë?
Beqja: S’më kujtohet.
Avokati: Prona ka qenë aset i shoqërisë “Saudi Brothers”. Është pasqyruar në bilancin e shoqërisë shitja te Fejsi Kodra?
Beqja: S’më kujtohet.
Avokati: Kohëzgjatja e shoqërisë a është nga 18.08.1994 deri në 08.08.2014?
Beqja: S’më kujtohet. Është bërë zgjatja e afatit sipas procedurës. E kam bërë unë.
Avokati: Ç’lidhje keni me shtetasin Agron Muça?
Beqja: E njoh.
Avokati: Keni pasur marrëdhënie kontraktuale me të?
Beqja: Nuk i përgjigjem pyetjes. (Përgjigjet pozitivisht pas ndërhyrjes së Gjykatës)
Avokati: Cili ka qenë objekti i kontratës?
Beqja: Huamarrje nga unë. Nuk më kujtohet shifra.
Avokati: E njihni Rexhep Sufin?
Beqja: Po, e njoh.
Avokati: Keni pasur ndonjë marrëdhënie? Nëse po, jeni shlyer me të?
Beqja: Marrëdhënie huamarrje dhe huadhënie. Nuk më kujtohet shifra. Akoma nuk jam shlyer, po s’kujtoj shifër.
Avokati: Po me shtetasin Sinan Topi? Sa para i ke marrë?
Beqja: E sqarova herën e kaluar. S’i kam marrë asnjë lek Sinan Topit. Unë e kam çuar në Prokurori atë.
Avokati: Paulin Ndreun e njihni?
Beqja: S’më kujtohet.
Avokati: Po Hamit Vorfin?
Beqja: E njoh. Nuk kam pasur marrëdhënie kontraktore me të.
Avokati: Keni shkuar te noterja Alida Spahiu për të bërë aneks të një kontrate?
Beqja: Nuk më kujtohet, kam qenë i terrorizuar.
“U QENDROJ THENIEVE TE MIA”
Avokati: Çfarë bëtë te kjo notere?
Beqja: i thashë të gjitha herën e parë unë. Ia kam thënë dhe Prokurorisë. i ka të gjitha aty. Unë shkova që në mëngjes, pasi isha kërcënuar në darkë. Ajo më tha që ti ke kontratë me kusha. i thashë fshije të gjithë, s’më intereson. Më interesonte jeta ime. E kam treguar se ç’ndodhi kur erdhën këta. Mbyllen qepenat.
Avokati: Sa qëndruat aty?
Beqja: Sa kemi hyrë Aida më ka përmendur shumën e lekëve, që ende nuk kishin kaluar lekët e shitjes së Fejzi Kodrës. Ai që mbron ti avokat tha “dale, dale, ça lekësh janë këto?”. Kur më nxori jashtë kërkoi 30 për qind të pronës duke më kërcënuar. U kthyem në zyrë dhe e bëmë.
Avokati: E dini që Regjistruesi ka kërkuar plotësimin e kontratës?
Beqja: Nuk më kujtohet.
Avokati: Si keni komunikuar me pronarin e kompanisë?
Beqja: S’më kujtohet.
Avokati: Cila është adresa juaj e-mailit? Beqja: i kam mbyllur të gjitha. Ia kam dhënë Prokurorisë sepse më kanë kërcënuar nga të gjitha anët, në telefon, në adresa e-maili.
Avokati: Te marrëveshja e bërë te noterja Drita Pepi ishte parashikuar shitja?
Beqja: S’më kujtohet.
Avokati: Çfarë përfaqësojnë 20 për qind e sipërfaqes së pronës?
Beqja: 10 për qindëshi i parë i sipërfaqes prej 2500 metër katrorë të pronës, ndërsa 10 për qind tjetër ishte pas përfundimit të gjyqit në Gjykatën e Lartë.
Avokati: Keni dhënë intervistë në media?
Beqja: S’më kujtohet. Avokati: i keni bërë letër Prokurorit të Përgjithshëm në lidhje me Shullazin?
Beqja: Absolutisht jo.
Avokati: Në një rast, që të është prishur makina në Rrogozhinë, të ka ndihmuar Emiliano Shullazi?
Beqja: Nuk më kujtohet.
Avokati Denion Ndrenika: Unë nuk mund të pyes dëshmitarin, pasi ne jemi fqinjë. Dyert tona janë 5 metër larg njëra-tjetrës. Unë dua vetëm të them që çështja mes Shullazit dhe Ylvi Beqjes për përqindjen e ish-hotel “Vollgës” është një mosmarrëveshje civile, derisa kemi të bëjmë me një marrëveshje kontraktore.
Endrit Qyqja: Pas arrestimit të Shullazit, jemi takuar ndonjëherë ne?
Beqja: Vetëm një herë. Ke ardhur te lagjja. Të kam marrë vetë në telefon.
Qyqja: Çfarë më kërkove?
Beqja: Të thashë t’ua plotësoj 700 mijë euro dhe të tërhiqeshit nga prona dhe t’i thoshe Shullazit se ma ka bllokuar pronën Prokuroria.
Qyqja: Ne kemi folur me SMS mbi 50 herë, jemi takuar mbi 10 herë.
Beqja: Janë fantazi.
Qyqja: E ke larguar familjen nga Shqipëria, pasi u arrestua Shullazi?
Beqja: Nuk përgjigjem. S’ka ç’të duhet familja ime ty.
Qyqja: Unë jam në burg për këtë, ky thotë s’përgjigjem e s’mbaj mend.
Discussion about this post