Qeveria e SHBA-ve ka hapur hetim për veprimet e FBI-së gjatë fushatës zgjedhore presidenciale. Kjo pasi drejtori i saj, James Comey, vendosi pak ditë para votimit për presidentin e 45-të që të rihapte çështjen e emaile-ve të Hillary Clinton, kandidate e Partisë Demokratike.
Sipas një njoftimi të Departamentit Amerikan të Drejtësisë, “veprimet konkrete” të FBI-së do të rishikohen.
FBI rihapi çështjen 11 ditë para zgjedhjeve edhe pse një hetim i mëparshëm nuk kishte gjetur asnjë shkelje nga ana e ish-Sekretares së Shtetit.
Pas humbjes së zgjedhjeve, Clinton e cilësoi këtë veprim si vendimtar në rezultatin e zgjedhjeve. (A.R/SHUPLAKA)
Discussion about this post