Policia e Tiranës ka vënë në pranga një 23-vjeçar dhe ka shpallur në kërkim dy të tjerë, pasi të tre këta persona kanë kanosur me armë shtetasin me inicialet E.K.
Ngjarja ka ndodhur pasditen e djeshme në Kamëz, ku 23-vjeçari Shkëlzen Hajdari së bashku me shtetasin J. S., 23-vjeç dhe A. N., 21 vjeç, kanë telefonuar shtetasin E. K., duke e kërcënuar dhe duke i takuar takim.
Pasi janë takuar, ata kanë vazhduar ta kërcënojnë dhe dyshohet se njëri prej tyre ka nxjerrë nga brezi një armë zjarri tip pistoletë dhe e kanosur me jetë E. K., armë të cilën ja ka dhënë A. N., e më pas janë larguar me mjetin e tyre.
Në bazë të kallzimit të kryer nga E. K., janë angazhuar shërbimet e Komisariatit të Policisë Nr 5, të cilët kanë bërë të mundur gjetien dhe kapjen e shtetasit Shkelzen Hajdari, si dhe shpalljen në kërkim të dy autorëve të tjerë të kësaj vepre. Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Mos kallzim të krimit”. (E.K/SHUPLAKA)
Discussion about this post