E marrin në telefon për ta pyetur nëse do votonte për Ramën, përgjigja epike e Manjanit

Në këtë situatë parazgjedhore, ndihet mjaft tensioni se kush do të dalë fitues. Ish-ministri i Drejtësisë Ylli Manjani, tregon se një kompani sondazhi e ka marrë në telefon për ta pyetur nëse do të votonte për kryeministrin Edi Rama, mirëpo ai është përgjigjur me fjalët “Nuk bën për atë punë”.

“Një kompani sondazhi më pyeti në telefon:a do e votonit E.R Kryeministër?Ju përgjigja:JO! Nuk bën për këtë punë!Abuzoi me besimin që ju dha!”, shkruan Manjani në twitter.

Me të njëjtat fjalë është përgjigjur kryeministri Rama, gjatë një interviste për Syri.net, ku ka treguar se ka punuar mjaft mirë me të gjithë ministrat e LSI-së gjatë këtyre 4 viteve  përveçse me Ylli Manjanin të cilin e shkarkoi. 

“Me të gjithë kam punuar mirë, veç se me Ylli Manjanin. Ai nuk ishte për atë punë”, tha Rama një ditë më parë.

Ndërkaq i pyetur se përse e pranoi emërimin e tij, Rama tha: “Thashë ta provoja një herë sepse nuk doja ta besoja që nuk ishte për atë punë. Thashë t’i jap një shans”, tha Rama.

Kujtojmë se Manjani pas shkarkimit nga Rama hapi sagën e përfshirjes së segmenteve të shtetit në kultivimin e trafikun e kanabisit në vend. (D.D/Shuplaka)