E mbani mend fletën e votimit të 18 Qershorit, u përfol se do të ishte fleta më e shkurtër në historinë e zgjedhjeve me vetëm 15 Parti. Tashmë nuk do të jetë më, pasi me shtyrjen e zgjedhjeve dhe me një javë fleta e votimit do të jetë e re.
E megjithëse kryeministri Rama kishte paralajmëruar dikur se pas shkuarjes së fletëve të votimit për printim nuk do të kishte më negociata, kjo nuk ndodhi.
250 mijë Euro të çuara dëm, kjo është vetëm shifra e parë e konfirmuar e kostove të një marrëveshje të vonuar.
Kostot e tjera padyshim që janë të shumta, duke flluar nga imazhi i vendit, apo përkeqësimi i investimeve të huaja.
Për fletën tjetër të votimit shpresojmë që të vëhen llogaritë mirë në mënyrë që nga buxheti i shtetit të mos kemi mijëra euro të tjera të çuara dëm.
Me marrëveshjen e re të arritur mes Ramës dhe Bashës brenda javës së ardhshme Partitë opozitare do të dorëzojnë listat e tyre të kandidatëve për zgjedhjet e 25 Qershorit. Tashmë për koalicionet nuk ka më afate dhe kjo është një nga pikat më të kritikuara nga partitë e vogla.
(E.K/SHUPLAKA)
