Eni Jani është padyshim një nga aktoret shqiptare më të dashura për publikun, kjo falë edhe rolit të saj në serialin ‘’Njerëz dhe Fate”.
E ftuar tek “Kush vjen për drekë” me Arjola Shehun ajo ka dhënë një lajm të mirë për të gjithë dashamirësit e artit. Dëshira për ta parë përsëri telenovelën e parë shqiptare është e madhe, ndaj Eni ka dhënë një lajm shumë të bukur.
Pyetjes për vazhdimin e saj, Eni i është përgjigjur se po interesohen për ta sjellë sërish, duke qenë se janë të shumtë ata që duan të shohin si do të rrjedhin ngjarjet tek “Njerëz dhe Fate”.
Edhe më herët, aktorja është shprehur se do ishte mirë që RTSH t’i kthehej prodhimit të serialeve shqiptare, që kanë patur shumë sukses.
Na mbetet të presim dhe të shohim sesi do të ideohet seriali i ri, nëse do të rikthehet sigurisht.
(E.K/FAXWEB)
