Kreu i PDIU-së Shpëtim Idrizi, në takimin e sotëm elektoral në Durrës, e nisi fjalimin duke thënë se kjo forcë politike është vetëm për një atdhe. Por një grua e moshuar, duket se ia tërhoqi mjaft vëmendjen Idrizit, prandaj ai e fton të ngrihet në këmbë dhe të gjithë më pas e duartrokasin.
“Më duhet t’jua ndërpres për pak çaste entuziazmin, për të ftuar një person të veçantë të çohet në këmbë, një person që më bëri përshtypje qëkur hyra këtu. Është kjo zonja çame, të lutem çohu në këmbë.” , shprehet Idrizi.
Pasi zonja e moshuar çohet në këmbë të gjithë njerëzit e tjerë u çuan gjithashtu në këmbë për të edhe e duartrokitën. Duket se zonja u prek mjaft shumë nga ky gjest, saqë u përlot.
“Miqtë e mi kur hymë në këto zgjedhje ju e patë se ishte një dhe gjysma e shqiotarëve mund të mbetej pa votuar, por këto zgjedhje nuk janë për partitë por për qytetarët shqiptarë, ndaj ju ftoj të votoni partinë e cila ka vetëm një atdhe, ju ftoj të votoni PDIU, sepse kemi kandidatë të shkëlqyer për deputetë në listën e Durrësit, duke e nisur me Krenar Laskun, jam shumë optimist dhe entuziazmi juaj e tregon këtë.”, vazhdon më tej Idrizi. (D.D/Shuplaka)
[ngg_images source=”galleries” container_ids=”1992″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
