Hidhet në Vjosë një grua e moshuar. Ngjarja ka ndodhur në qytetin e Përmetit ku gruaja rreth 75-vjeç është vetëhedhur nga ura në hyrje të qytetit me qëllim për t’i dhënë fund jetës.
Disa të rinj që janë gjendur rastësisht në vendngjarje, pasi kanë parë të moshuarën duke u mbytur në rrjedhën e Vjosës, janë hedhur për ta shpëtuar dhe më pas e kanë dërguar atë në spital.
75-vjeçarja është jashtë rrezikut për jetën teksa mësohet se gruaja e ka kryer aktin në gjendje të rënduar psikologjike.
Njoftimi i policise:
Rreth orës 14:15, në hyrje të qytetit të Përmetit, dyshohet se është vetëhedhur në lumin Vjosë, shtetasja F. D., rreth 75 vjeçe.
Menjëherë pas marrjes së njoftimit, në vendngjarje kanë shkuar shërbimet e Policisë, të cilët në bashkëpunim me qytetarët, kanë bërë të mundur nxjerrjen e kësaj shtetaseje, nga ujërat e lumit.
Shtetasja F. D. u transportua në spital për të marrë ndihmën mjekësore dhe është jashtë rrezikut për jetën.
Në vendngjarje ndodhet grupi hetimor i cili po punon për dokumentimin e plotë të rrethanave të kësaj ngjarjeje.
Discussion about this post