E moshuara zbulon një çantë të dyshimtë në tarracën e banesës, tronditet nga ajo çfarë sheh brenda

Një grua e moshuar ka gjetur një çantë të dyshimtë në tarracën e shtëpisë së saj. Çantë në të cilën gjendeshin sekuestruar 1 automatik model 56, me 2 krehër, 36 fishekë model 56 dhe 2 granata dore defensive bashkë me ndezës.

Menjëherë pasi ka bërë zbulimin, 77-vjeçarja me inicialet L.O ka lajmëruar policinë. Bardhëeblutë kanë sekuestruar sendet e gjetura dhe kanë nisur hetimet për të zbuluar se cili është autori.

Njoftimi i policisë:

Më datë 06.07.2017, në rrugën “Sali Nivica”, mbi tarracën e banesës së saj shtetësia L.O, vjeç 77 banuese në Tiranë, ka gjetur një çantë dhe brenda në të gjendeshin, 1 automatik model 56, me 2 krehër, 36 fishekë model 56 dhe 2 granata dore defensive bashkë me ndezës, të cilat u sekuestruan në cilësinë e provës materiale. Punohet për identifikimin dhe kapjen e autorit. Neni 278/2 i Kodit Penal. (D.D/Shuplaka)