Demokratja Majlinda Bregu ka zgjedhur një urim mjaft të veçantë për të motrën, Ornela Bregun, gjithashtu një personazh i njohur i ekranit, sot në ditën e saj të lindjes. Duke zgjedhur të mos tregojë se sa vite mbush sot Ornela Bregu, plot humor ajo shprehet se falënderimet në këtë ditë shkojnë për prindërit.
Në urimin e shkurtër ku nuk mungojnë notat e humorit, ajo zbulon edhe marrëdhënien mes dy motrave, teksa duke iu drejtuar Ornelës shprehet se kjo motër yll e bukur dhe e ëmbël, e dëgjonte por pastaj bënte atë që mendonte vetë.
Krahas fotos spontane që Majlinda Bregu ka zgjedhur për të uruar të motrën, i shkruan se me ose pa buzëkuq, ajo mbetet për të goca më e bukur në botë. E pas gjithë kësaj deklarate, i drejtohet edhe tjetër, duke i kërkuar ta mirëkuptojë.
“Dhe falenderimet i shkojnë mamit e babit që sot X vite më parë më bënë me një motër yll të bukur, të urtë, të ëmbël, që më dëgjonte dhe pastaj bënte atë që mendonte vetë. Happy birthday motra! Me buzëkuq e pa të, je goca me e bukur ne bote. @ornela_bregu. @bakubregu mos te ngelet hatri sot.”, shkruan Majlinda Bregu.
