Safet Gjici është një nga Presidentët më të fuqishëm të klubeve të futbollit në vendin tonë.
I njohur për investimin te skuadra e Kukësit dhe për ringritjen e tij deri në luftën për titullin kampion Gjici po mendon edhe për politikën.
Në listat e kandidatëve për deputetë nga PS-ja në qarkun e Kukësit ai është renditur i dyti ccka e bën pothujase të sigurt vendin e tij në Parlamentin e ardhëshëm.
Më parë Gjici ka kandiduar edhe për kreun e Bashkisë së Kamzës në garën e humbur me Xhelal Mziun. Pavarësisht humbjes duket se kryeministri Rama ka vijuar të besojë në aftësitë e Gjicit dhe punës që ai ka bërë me futbollin.
PAK MBI SAFET GJICIN:
Safet Gjici lindi në Kukës, më 30 Prill 1972. Është i martuar dhe baba i katër fëmijëve. Ka përfunduar studimet e larta në Akademinë e Policisë “Arben Zylyftari”. Gjithashtu ka kryer studimet e larta në Universitetin e Tiranës, ku është diplomuar për Drejtësi.
Pas tërheqjes nga karriera si oficer policie, zoti Gjici do të angazhohej në fushën e biznesit.”. Në vitin 2014 u emërua Prefekt i Qarkut Kukës.
Gjici, me aktivitetin e tij privat në fushën e sigurisë dhe ndërtimit, është nderuar me shumë çmime, ndërkohë që për kontributin e dhënë në fushën e futbollit, qytetarët e Kukësit e kanë zgjedhur me shumicë votash si “Personalitet i Vitit 2012”. Këshilli Bashkiak i Kukësit e ka shpallur me vota unanime “Qytetar Nderi” i Kukësit. (E.K/SHUPLAKA)
Discussion about this post