E ndarë në 13 thasë, sekuestrohet 44 kilogramë drogë në Tiranë, në pranga 28-vjeçari (IDENTITETI)

Policia e Tiranës ka arrestuar një shtetas 28 vjeçar ditën e sotme. Ai është shtetasi Refik Gjoka me banim në Tiranë. Atij i janë sekuestruar 44 kg lëndë narkotike e dyshuar kanabis. Një pjesë e drogës atij iu gjet në makinën ”Opel” dhe pjesa tjetër gjatë kontrollit në banesë. 

Detajet e policisë:

Sekuestrohet rreth 44 kg lëndë narkotike Arrestohet në flagrancë një shtetas. Më datë 06.01.2017 Specialistët e Seksionit Kundër Narkotikëve të Drejtorisë Vendore të Policisë Tiranë në bashkëpunim me Komisariatin e Policisë Vorë, kanë bërë arrestimin në flagrancë të shtetasit:

-Refik Gjoka, 28 vjeç, banues në Tiranë Arrestimi i këtij shtetasi u bë pasi gjatë një kontrolli në automjetin tip “Opel” i’u gjet një sasi lënde e dyshuar narkotike e llojt Canabis Sattiva.

Si dhe gjatë kontrollit në banesën e këtij shtetasi, i’u gjet edhe një sasi tjetër lënde e dyshuar narkotike e llojt Canabis Sattiva e ndarë në 13 thasë dhe qese plasmasi.

Gjithësej rreth 44 kilogramë Cannabis Sativa. Në cilësinë e provës materiale, janë sekuestruar: •Një automjeti tip “Opel” •44 kilogramë lëndë e dyshuar narkotike e llojit Canabis Sattiva. Materialet proçeduriale i’u kaluan Prokurorisë pranë Gjykatës së Shkallës së Parë Tiranë për veprën penale të “Prodhimit dhe shitjes së lëndëve narkotike”, parashikuar nga Neni 283/1 i Kodit Penal. (E.K/SHUPLAKA)