Një ngjarje e rëndë ka ndodhur në Itali. Një urë është shembur në autostradën A10 në Genova dhe bashkë me të sipas raportimeve të para të mediave italiane kanë rënë edhe rreth 20 autovetura. Bëhet fjalë për urën Morandi, që lidh Genovën Perëndimore me Ligurian.
Mediat italiane raportojnë deri tani për 22 viktima ndërkohë 8 persona janë plagosur rëndë. Pas tragjedisë drejt vendngjarjes është nisur edhe kryeministri italian Giuseppe Conte.
Një qyetetar ka nisur në faxweb.al dhe disa foto të urës të cilat tregojnë sesi ka qenë ura “Morandi” vetëm 10 ditë më parë. Bëhet e ditur se ‘Ura Morandi’ është ndërtuar në vitet ’60 dhe ndodhet në rajonin Sampierdarena e Cornigliano.
Ajo është e gjatë mbi një kilometër dhe e lartë 90 metra.Së fundi po i nënshtrohej një rikonstruksioni.
Në lidhje me tragjedinë ka reaguar edhe Ministri i Brendshëm, Matteo Salvini nëpërmjet në postimi në Tëitter.
“Ne jemi duke ndjekur minutë pas minute situatën e rrëzimit të urës në Ponti të Genovës. I falenderojmë të gjithë, dhe 200 zjarëfikësit heronjë, tani jemi duke punuar për të shpëtuar sa sa më shumë njerëz”, shkruante ai.
Ende nuk është e qartë se çfarë e shkaktoi shembjen e urës, ndërsa si shkaqe raportohen të jetë një problem në strukturë dhe stuhia e fortë.
(M.Q/Faxweb)
Discussion about this post