Gruaja 39-vjeçare nga Istogu, e cila u diagnostikua dje me koronavirus sot ka humbur jetën.
Lajmin e ka konfirmuar për mediat kosovare drejtori i Shëndetësisë në Istog, Mujë Osmanaj.
“Po, ka vdekur. Informatën e mora nga familjarët. Ajo kishte vdekur para një ore. Informata tjera momentalisht nuk kam”, tha Osmanaj për gazetën Express.
Gruaja 39-vjeçare nga Istogu ishte operuar në QKUK pa e ditur mjekët se ajo ishte e prekur me COVID-19. Ndërkohë ka shkuar në 8 numri i viktimave në Kosovë.
