E pabesueshme/ Sergio Ramos nuk paguan dot kredinë në bankë

12 milionë euro në vit duket se nuk është një pagë e mjaftueshme për të përballuar nevojat e Sergio Ramos.

Kjo është ajo që gazetarja Ruben Canizares ka thënë në një programin televiziv në Spanjë, duke zbuluar edhe origjinën e problemeve financiare të qendërmbrojtësit.

Sipas Canizares, kapitenit të Real Madridit mund t’i bllokohen paratë në llogaritë e tij, për mosshlyerjen e këstit të një kredie të madhe që ka marrë për të blerë një tokë jashtë Madridit.

Qëllimi i të fejuarit të Pilar Rubios ishte të përfshihej në biznesin e ndërtimit, por që rezultoi një dështim.

Për shkak të disa problemeve me bashkinë, Ramos dhe kompania e tij nuk mund të fillojnë të ndërtojnë dhe për rrjedhojë nuk mund të shesin asnjë shtëpi.

Dhe kur erdhi koha për të bërë pagesën e parë të kredisë, vjeshtën e kaluar, nuk kishte para.

Duke luajtur jashtë Spanjës, mundësisht në Kinë, autoritetet spanjolle nuk do të mund t’i bllokojnë paratë e pagës.