Ka nisur me debate mbledhja e Komisionit të Integrimit, ku deputetët Ralf Gjoni dhe Rudina Hajdari kanë braktisur mbledhjen, për shkak të mungesës së Ministrit në detyrë të Jashtëm Gent Cakaj.
Në mbledhjen e sotme të Komisionit të Integrimit ishte parashikuar diskutimi i projektbuxhetit të vitit të ardhshëm, por Cakaj nuk ishte i pranishëm, për shkak se ka fluturuar me kryeministrin Edi Rama në Bratislavë, ku Shqipëria do të marrë kryesimin e OSBE-së, për vitin e ardhshëm.
Hajdari dhe Gjoni kanë deklaruar se neglizhenca e Cakajt, është e papranueshme, dhe përfaëqësimi nuk mund të bëhet nga ana e zv.ministrit Etien Xhafaj.
“Është e papranueshme kjo vonesë, ministri duhet të ishte sot këtu”, janë shprehur Hajdari dhe Gjoni, të cilët më pas janë larguar dhe nga mbledhja.
Drejtimin e Komisionit pas këtij debati e ka marrë nënkryetarja Senida Mesi.
(E.K/Faxweb.al)
