E paralajmëroi Basha mbrëmë, Mandija: Drejtori i Spitalit Berati bashkë me një deputet kanë kryer korrupsion aktiv.
Ashtu siç përflitej dhe dje zëvendëskryeministrja Mandija ka deklaruar se ka filluar procedimi penal ndaj Drejtorit të Spitalit të Beratit.
Edhe sipas njoftimit të djeshëm të policisë Idil Frashëri, drejtori i Spitalit në Berat, akuzohet se ka kryer korrupsion aktiv. Për deputetin nuk ka një emër konkret nga organet zyrtare.
Deklaratë e Zv/Kryeministres Mandija referuar njoftimit nga ana e Policisë së Shtetit:
Sektori për Hetimin e Korrupsionit në Policinë e Shtetit në bazë të një denoncimi ka filluar procedimin penal ndaj Drejtorit të Spitalit Rajonal të Beratit, i cili në bashkëpunim me disa punonjës të këtij spitali dhe më një deputet të zonës kanë arritur të konsumojnë veprën penale të korrupsionit aktiv në zgjedhje, si dhe përdorimit të funksioneve publike në veprimtari politike ose zgjedhore të parashikuara nga neni 328 dhe 328/a të Kodit Penal të ndryshuar.
Në këtë kushte, unë i bëj thirrje Prokurorisë së Përgjithshme të marrë të gjitha masat për të ndjekur procedurat sipas ligjit dhe për të arritur në një konkluzion përfundimtar në lidhje me procedurat e filluara dhe të iniciuara nga ana e Sektorit të Hetimit dhe Korrupsionit. (E.K/SHUPLAKA)
Discussion about this post