Ministri në Detyrë për Europën dhe Punët e Jashtme Gent Cakaj dhe Ministri i Punëve të Jashtme të Turqisë, Mevlüt Çavuşoğlu mbajtën gjatë paradites së sotme një konferencë për shtyp, ku mes të tjerave turku foli për rrezikshmërinë e organizatës FETO që ka përfaqësues të saj dhe në vendin tonë.
Cavusoglu tha se vizita e tij ishte përgatitore, pasi Shqipërinë pritet që ta vizitojë më vonë dhe presidenti turk Erdogan.
“Turqia investitori më i madh në Shqipëri. Shumë firma tona kanë bërë investime të rëndësishme në Shqipëri. Shpjegova disa probleme që përballen punonjësit tonë. Të marrin datën e hapjes së negociatave.
FETO nuk është e rrezikshme vetëm në Turqi, por edhe në vendet ku ajo ndodhet. Është një organizatë që kontrollohet nga shërbimet e disa vendeve. I kemi shpjeguar edhe rrezikun që ato paraqesin. Vizitë përgatitore, për vizitën e presidentit tonë”, tha Cavusoglu, ndërsa kujtojmë se pak kohë më parë Shqipëria vendosi për depërtimin e mësuesit turk, Harun Çelik, e cila u konsiderua në shkelje me Konventat Ndërkombëtare për të drejtat e njeriut.
Agjensia Shtetërore e Bashkëpunimit dhe Koordinimit Turk (TIKA) shpërndau 500 pako ushqimore dhe 500 batanije për të prekurit e tërmetit të 26 nëntorit. Turqia ka filluar ndërtimin e 500 shtëpive për viktimat e tërmetit, të cilat do të zhvillohen në zonën e Laçit.
