Sot ka qenë rradha e fermerëve në zonat e Korçës për të shprehur shqetësimet e tyre përpara kreut të opozitës Lulzim Basha.
Çmimi i ulët i produkteve që ata prodhojnë, mungesa e subvecioneve kanë qenë vetëm disa nga problematikat që paraqitën banorët e këtyre zonave.
Madje njëri prej fermerëve shkoi deri aty sa i kërkoi kreut të opozitës që shqetësimet e tyre tia tregojë Presidentit amerikan Donald Trump kur ta takojë.
Kjo ka kaluar me të qeshura mes të pranishmëve, ndërsa Basha u shpreh i habitur se nga e kishte marrë lajmin ky fermer.
‘’T’i tregosh shqetësimet tona. Këto që po themi t’ia thuash Presidentit Trump kur ta takosh, more vesh se ne jemi të bashkuar dhe nuk kemi ndërmend të tërhiqemi’’, iu drejtua fermeri kreut të opozitës Lulzim Basha.
‘’Pas mbledhjes do të më tregosh se nga e di që do të takoj Presidentin Trump’’, ja ka kthyer me batutë kryedemokrati Basha. (E.K/SHUPLAKA)
