Në rrjet po qarkullojnë fotot dhe videot e 22 lopëve, të cilat janë shtrirë të ngordhura pranë njëra-tjetrës në një fushë. Kafshët janë të racës Aberdeen Angus.
Deri më tani dyshohet se shkak i ngordhjes së tyre mund të jetë bërë rrufeja. Siç shkruajnë mediat e huaja, lopët janë elektrifikuar, teksa ishin mbledhur afër njëra-tjetrës pranë një gardhi, në momentin që në zonë kishte nisur stuhia.
Ngjarja ka ndodhur në fshatin Quehue, pranë provincës La Pampa në Argjentinën qendrore. Lopët i përkisnin mbarështuesve Los Corrales, të cilët dallohen për rritjen e demave dhe lopëve të racës Aberdeen Angus.
Mediat lokale raportojnë se secila prej kafshëve mund të vlente rreth 1276- 2552 paund. Kjo do të thotë se fermerët mund të kenë humbur një vlerë monetare deri në 56.114 paund, si rezultat i ngordhjes së këtyre bagëtive.
Paraprakisht dyshohet se lopët u frikësuan nga stuhia në zonë dhe u mblodhën afër gardhit për siguri. Rufeja mësohet se goditi njërën prej shufrave të gardhit dhe lëshoi elektricitet, i cili preku dhe la të ngordhura në vend kafshët e gjora.
