Një biznesmen japonez, i diagnostikuar me kancer, ka vendosur që të organizojë një ceremoni mortore të madhe për t’u thënë faleminderit dhe lamtumirë. Ai u diagnostikua me sëmundjen e rëndë në tetor të këtij viti.
Sipas BBC, Satoru Anzaki ftoi rreth 1000 mysafirë duke përfshirë miqtë, ish shokët e shkollës, partnerët e biznesit dhe punonjësit për ngjarjen e së hënës.
Ai kishte njoftuar mbi planin e tij, për të mbajtur një festë me rastin e vdekjes, në një gazetë më 20 nëntor. Plani i tij i pazakontë së shpejti u bë viral me njerëzit, të cilët përshëndetën planin e tij të guximshme.
Për të organizuar festën, Anzaki mori me qira një vend në një hotel në Tokio, i zbukuruar me kujtime të jetës së tij.
Sipas mediave japoneze, ai u përpoq të shtrëngonte duart me shumë miq të tij për të shprehur vlerësimin e tij.
“Jam i kënaqur sepse mund t’u them të gjithëve me fjalët dhe zërin tim faleminderit. Faleminderit gjithë njerëzve që kam takuar në jetën time. E kam shijuar jetën dhe dëshpërimi e brenga nuk bëjnë pjesë tek karakteri im. Jam i lumtur!”shprehet ai.(M.Q/Faxweb)
