Nuk është e zakonshme që pushteti vendor të kërkojë mendimin e qytetarëve në lidhje me ç’ka ndodh në territorin që administron, por ja që edhe ndodh.
Bashkia e Pukës përmes një sondazhi në faqen zyrtare në rrjetet sociale kërkon mendimin e banorëve nëse duhet të priten apo jo bredhat në rrugët e qytetit.
Kjo pasi një pjesë e banorëve ankohen se ata u zënë dritën. Po ashtu Bashkia pyet se me çfarë peme tjetër do të duhet t’i zëvendësojnë.
“CILI DO TË ISHTE MENDIMI I JUAJ? Nisur nga ankesa e disa banorve me pretendimin per zënjen e dritës dhe shkaktim rrezikshmërie, por dhe nga Raporti Teknik i specialisteve për drurët dekorativ të llojit BREDH, prane një banke në qytetin e Pukës, Bashkia Pukë kërkon mendimin qytetar: Nese duhet realizuar largimi i këtyre drurve dhe zevendësimi I tyre me drure dekorativ të llojit BLI? Presim mendimet tuaja,mbi bazen e të cilave do të meret dhe vendimi. Kemi premtuar të bashkqeverisim dhe këtë po e realizojme!”, shkruhet në njoftimin e Bashkisë së Pukës.
Një leksion mjaft i mirë ky që na vjen nga Bashkia e Pukës. (E.K/SHUPLAKA)
