Një ngjarje e pazakontë është shënuar mëngjesin e sotëm në qytetin bregdetar të Vlorës ku tre makina janë gjetur të zhytuara në det.
Ngjarja ka ndodhur në zonën e Lungomares pranë plazhit publik ndërsa paraprakisht dyshohet se kanë tentuar të tërheqin një skaf por që kanë ngecur.
Makinat janë të tipit fuoristradë ndërsa njëra prej tyre ishte e pajisur me karrel.
Burime bëjnë me dije se skafi rezulton me dokumentacion të rregullt dhe i rregjistruar. Pretendohet të që disa persona të kenë dalë për të shëtitur megjithatë po punohet për zbardhjen e ngjarjes.
Ndërkohë ekzistojnë dyshime nëse ka patur ndonjë tentativë të mundhsme për trafikim lëndësh narkotike.
Për ngjarjen që ka tërhequr jo pak vëmendjen e medias dhe të opinionit public, ende nuk ka asnjë detaj nga Policia.
(F.GJ/FAXWEB.AL)
