Një ngjarje më të vërtetë interesante vjen nga Italia, ku trajneri i Inviktasauro është shkarkuar nga drejtimi i skuadrës, pasi ka mposhtur kundërshtarin me rezultatin e thellë 27-0.
Presidenti i klubit, Paolo Brogelli dhe të gjithë drejtuesit e tjerë, kanë vendosur thuajse unanimisht për largimin e tij, duke i kërkuar falje kundërshtarëve.
“Kemi mësuar me çudi dhe keqardhje rezultatin e ndeshjes me të cilën skuadra jonë fitoi me 27 gola ndaj Marina. Kushtet dhe vlerat në futbollin e të rinjve, janë të kundërtat e gjërave të tilla, kundërshtari duhet respektuar gjithmonë dhe sot, kjo nuk ka ndodhur.Si president, i kërkoj falje klubit të Marina dhe të gjithë ambientit sportiv, komunikoj se bordi ynë ka vendosur unanimisht shkarkimin e zotit Riçini. Trajnerët tanë duhet të kenë detyrën të trajnojnë, e sidomos te edukojnë djemtë. Sot, kjo nuk ka ndodhur”, ishte komunikata e presidentit të klubit.
