Presidenti i SHBA Donald Trump shkeli kushtetutën me vendimin për bllokimin në llogarinë e tij në Tëitter ndaj njerëzve me pikëpamje të ndryshme nga ai. Ky është vendimi që u mor të martën nga një gjykate federale e apelit në SHBA.
Gjykata e Rrethit Gjyqësor në Manhatan tha se Amendamenti i Parë ndalon Trump të përdorë funksionin e “bllokimit” të Tëitter-it për të kufizuar ata që mund të angazhohen në llogarinë e tij, e cila ka 61.8 milionë ndjekës.
“Amendamenti i Parë nuk lejon një zyrtar publik që shfrytëzon një llogari të mediave sociale për të gjitha llojet e qëllimeve zyrtare për të përjashtuar personat nga një dialog i hapur në internet, sepse ata shprehën pikëpamjet me të cilat zyrtari nuk pajtohet,” shkruan gjykatësi Barrington D. Parker në emër të kolegjit prej tre gjyqtarësh, transmetojnë mediat e huaja.
“Ironia në gjithë këtë është se ne shkruajmë në një kohë në historinë e këtij kombi kur sjellja e qeverisë sonë dhe zyrtarëve të saj është subjekt i një debati të hapur dhe të fuqishëm”, shtoi ai duke cituar disa shembuj të Gjykatës Supreme.
Por nga ana tjetër ky vendim nuk është pritur aspsk mirë nga ana e zyrtarëve të Shtëpisë së Bardhë pasi një zëdhënëse e Departamentit të Drejtësisë të Shteteve të Bashkuara tha se zyrtarët ishin “të zhgënjyer” me vendimin e së martës. Ajo shtoi se departamenti është “duke menduar për hapat e tjerë të mundshëm”.
Discussion about this post